Қорда топ-менеджерлерге миллиондаған долларлық бонустар мен сыйақылар төленгені туралы ақпаратты жоққа шығарды
Қорда атап өткендей, Әлеуметтік медициналық сақтандыру Қоры Басқармасының әрбір мүшесінің, оның ішінде төрағаның сыйақы мөлшері Үкімет Қаулысымен 10 ЕТЖ (2022 жылы 600 мың теңге) шектелген. Бұл бір жыл ішінде бір басқарма мүшесіне сыйақы ретінде төлеуге қарастырылған сома. Басқарма мүшелері басқа сыйақы алған жоқ.
«ӘМСҚ топ-менеджерлеріне бонустар мен миллиондаған долларлық бонустар туралы ақпарат шындыққа жанаспайды. Қордың жылдық есебінде көрсетілген 93,8 млн теңге сома 2022 жылдың қорытындысы бойынша басқарма мүшелерінің (соның ішінде төрағаның) жалақысы, жоғарыда көрсетілген сыйлықақылары, демалыс және емдік төлемдерінің сомасы кіреді», - деп хабарлайды Әлеуметтік медициналық сақтандыру қоры.
Директорлар кеңесі Қордың Басқарма төрағасының жалақысының шекті мөлшерін белгіледі. Қазіргі басқарма басшысының жалақысы – ең төменгі белгіленген деңгейде, таза қолға 1,39 млн теңге алады.
